Ուկրաինայի նախագահ Զելենսկին Պուտինին հանդիպման է հրավիրել
Ուկրաինայի նախագահ Վլադիմիր Զելենսկին Մյունխենում ելույթի ժամանակ ասել է, թե չգիտի, թե ինչ է ուզում ՌԴ առաջնորդ Վլադիմիր Պուտինը, ուստի առաջարկել է հանդիպել։ Այս մասին գրում է RT-ն:
«Ես չգիտեմ, թե ինչ է ուզում Ռուսաստանի նախագահը, ուստի առաջարկում եմ հանդիպել»,- ասել է Զելենսկին։
Ավելի վաղ ՄԱԿ-ում Ուկրաինայի մշտական ներկայացուցիչ Սերգեյ Կիսլիցան հայտարարել էր, թե Կիևը միշտ պատրաստ է Մոսկվայի հետ բանակցությունների, իսկ Վլադիմիր Զելենսկին կցանկանար խոսել Պուտինի հետ։
Բացի այդ, Ուկրաինայի նախագահը հայտարարել է, թե իր հանդիպումը Ռուսաստանի առաջնորդ Վլադիմիր Պուտինի հետ կարող է ապաշրջափակել երկու երկրների հարաբերությունները։
