Իրավիճակը Դոնբասում մոտենում է պատերազմականի. Դոնեցկի ղեկավար
Դոնեցկի ինքնահռչակ ժողովրդական հանրապետության ղեկավար Դենիս Պուշիլինը հայտարարել է, որ իրադրությունը Դոնբասում ցավոք մոտենում է պատերազմական իրավիճակի։ Այս մասին նա խոսել է «Ռոսիա 24» հեռուստաալիքի եթերում։
«Ցավոք, այո»,- ասել է նա՝ պատասխանելով համապատասխան հարցին։
Նրա խոսքով՝ Ուկրաինան ցանկացած պահի կարող է հարձակում սկսել Դոնբասի դեմ, և ընդգծել է, որ Կիևը հետաքննում է Դոնեցկի տարածք դիվերսանտների ներթափանցման «թույլ կետերը»։
Ավելի վաղ Դոնեցկի ժողովրդական միլիցիայի ներկայացուցիչ Էդուարդ Բասուրինը հայտնել էր, որ փետրվարի 18-ին Ուկրաինան երեք անգամ փորձել է դիվերսիա իրականացնել: Նրա խոսքով՝ առավոտյան Դոնեցկի ուղղությամբ արձակվել է մոտ 200 արկ ու ական։
