Էստոնիան Ուկրաինային մատակարարել է ամերիկյան Javelin հակատանկային հրթիռներ

Փետրվարի 18-ին Էստոնիան Ուկրաինային է մատակարարել Javelin հակատանկային հրթիռային համակարգեր։ Այս մասին հայտնում է Reuters-ը՝ Էստոնիայի պաշտպանության ուժերի հրամանատար, գեներալ-լեյտենանտ Մարտին Հերեմին հղումով։
 

«Սա փոքր քայլ է Էստոնիայից Ուկրաինային աջակցելու համար, բայց դա իրական և շոշափելի ներդրում է ռուսական ագրեսիայից պաշտպանվելու գործում»,- ասել է Հերեմը։
 

Նրա խոսքով, Ուկրաինայի պաշտպանությունը «Javelin-ների ավելի օգտակար» օգտագործումն է Էստոնիայի անվտանգության համար, քան զորավարժությունների ժամանակ դրանց կիրառումը: Փոխանցված հակատանկային համակարգերի թիվը չի հաղորդվում։