Սյունիքում 14 բեռնատար արգելափակված է եղել

ՀՀ արտակարգ իրավիճակների նախարարության մամուլի ծառայությունը հայտնում է, որ փրկարարները Սյունիքում բեռնատար ավտոմեքենաներ են դուրս բերել արգելափակումից։
 

Ըստ հաղորդագրության՝ այսօր՝ ժամը 09:57-ին, Սյունիքի մարզային ճգնաժամային կառավարման կենտրոնն ահազանգ է ստացել, որ Տաթևի վանքի մոտակայքում բեռնատար ավտոմեքենան արգելափակվել է ցեխակույտի մեջ:
 

Դեպքի վայր է մեկնել ԱԻՆ ՓԾ մարզային փրկարարական վարչության Աղվանիի առաջնային օգնության կետից մեկ մարտական հաշվարկ։

Փրկարարներն արգելափակումից դուրս են բերել 14 բեռնատար ավտոմեքենա: