ԱՄՆ պետքարտուղարը Լավրովին առաջարկել է հանդիպել
ԱՄՆ պետքարտուղար Էնթոնի Բլինկենը հայտնել է, որ հինգշաբթի նամակ է հղել Ռուսաստանի արտգործնախարար Սերգեյ Լավրովին՝ հաջորդ շաբաթ դեմ առ դեմ հանդիպում անցկացնելու առաջարկով։ Այս մասին գրում է Интерфакс-ը:
«Ես այսօր նամակ եմ հղել Լավրովին՝ առաջարկելով հանդիպել հաջորդ շաբաթ Եվրոպայում՝ քննարկելու այն քայլերը, որոնք մենք կարող ենք ձեռնարկել՝ ճգնաժամը առանց հակամարտության լուծելու համար», - ասել է Բլինկենը ՄԱԿ-ի Անվտանգության խորհրդի նիստում:
Նա մանրամասնեց, որ առաջարկել է հանդիպումներ անցկացնել ՆԱՏՕ-Ռուսաստան խորհրդի և ԵԱՀԿ Մշտական խորհրդի շրջանակներում։
«Սա կարող է սկիզբ դնել առանցքային առաջնորդների գագաթնաժողովին դեէսկալացիայի համատեքստում փոխըմբռնման հասնելու համար», - ընդգծել է նա։
Վերջերս Բլինկենը և Լավրովը երկու հեռախոսազրույց են ունեցել՝ փետրվարի 12-ին և 15-ին։
