Լոնդոնում 4 գաղտնի հանդիպում եմ ունեցել Լուկաշենկոյի հետ. Սաակաշվիլի
Բելառուսի նախագահ Ալեքսանդր Լուկաշենկոյի կողմից Հարավային Օսիայի և Աբխազիայի անկախությունը չճանաչելը Վրաստանի նախկին նախագահ Միխեիլ Սաակաշվիլիի արժանիքն է։ Ինչպես հայտնում է Eadaily.com-ը, այս մասին այսօր՝ փետրվարի 9-ին, հայտարարել է ինքը՝ Վրաստանի նախկին ղեկավարը։
«Ես Լոնդոնում չորս գաղտնի հանդիպում եմ ունեցել Լուկաշենկոյի հետ։ Դա գաղտնի դիվանագիտություն էր։ Այն, որ Հարավային Օսիան և Աբխազիան դեռ չեն ճանաչվել Լուկաշենկայի կողմից, դա իմ Լոնդոն կատարած այցերի արդյունքն է»,- ասել է նա Թբիլիսիի քաղաքային դատարանում, որտեղ ընթանում է պետական միջոցների յուրացման գործով լսումները։
