Ավստրալիայի վարչապետը հայտարարել է երկրի միջազգային սահմանի բացման մասին
Ավստրալիայի վարչապետ Սքոթ Մորիսոնը հայտարարել է, որ երկրի միջազգային սահմանները կբացվեն փետրվարի 21-ից՝ թույլ տալով պատվաստված զբոսաշրջիկներին մուտք գործել: Այս մասին հայտնում է 7News հեռուստաալիքը։
Մորիսոնի խոսքով՝ երկիր զբոսաշրջիկների այցելությունների պայմանը կլինի կրկնակի պատվաստումների առկայությունը։
Նշվում է, որ Ավստրալիայի սահմանները փակ են արդեն երկու տարի։
Ավելի վաղ Ավստրալիայի Ներքին գործերի նախարարությունը թույլատրել էր Sputnik V կորոնավիրուսի դեմ ռուսական պատվաստանյութով պատվաստված այլ պետությունների քաղաքացիներին մուտք գործել Ավստրալիայի տարածք։
