Ալիևը «խոստավանել» է, որ Գարեգին Նժդեհի դեմ հակաքարոզչության հետևում ինքն է կանգնած
Հունվարի 30-ին Գյանջա կատարած այցի ժամանակ Ալիևը մեկնաբանել է Ռուսաստանում Գարեգին Նժդեհի մասին ֆիլմի ցուցադրության դադարեցումը։ Նա, կարելի է ասել, խոստովանել է, որ ինքն է կանգնած Ռուսաստանում Նժդեհի դեմ հակաքարոզչության հետևում: Ալիևը հայ ժողովրդի իրական հերոս Գարեգին Նժդեհին անվանել է «ֆաշիստ» և «դահիճ»:
Ալիևն ասել է.
«Կարծում եմ, որ առաջին հերթին դա ռուս հանրության պահանջն է եղել, բայց ճիշտ է նաև այն, որ առաջին անգամ ես եմ այս հարցը բերել քաղաքական հարթություն: Ես իմ ելույթներում բարձրացրել եմ նացիստների հարցը: Դահիճ Նժդեհի հարցը բարձրացրել եմ իմ ելույթներից մեկում` ԱՊՀ գագաթնաժողովին ու ասացի, որ Հայաստանի մայրաքաղաք Երևանում Նժդեհի հուշարձանը ֆաշիզմի քարոզ է, սրան պետք է վերջ տալ, այս մարդը ֆաշիստ էր, դահիճ»։
