Դադարեցնել կրակը երկրների միջև. ՀԱՊԿ գլխավոր քարտուղարի կոչը Տաջիկստանին և Ղրղզստանին
ՀԱՊԿ գլխավոր քարտուղարը կոչ է արել Տաջիկստանին և Ղրղզստանին անհապաղ դադարեցնել կրակը երկրների միջև սահմանին, հայտնում է ՏԱՍՍ-ը։ Նա նշել է, որ ՀԱՊԿ-ը պատրաստ է օգնություն ցուցաբերել Տաջիկստանին և Ղրղզստանին կոնֆլիկտի խաղաղ կարգավորման համար:
Ղրղզա-տաջիկական սահմանին իրավիճակը սրվել է, տեղի է ունեցել փոխհրաձգություն։ Այս մասին հայտնում են Ղրղզստանի Հանրապետության ազգային անվտանգության պետական կոմիտեի սահմանային ծառայությունից։
Բատկենի շրջանի սահմանի այն հատվածում, որտեղ իրավիճակը սրվել է, տեղակայված սահմանապահ ստորաբաժանումները անցել են ուժեղացված հերթապահության։
