ԱՄՆ-ն հաջորդ շաբաթ ծրագրում է ոչ հիմնական անձնակազմի տարհանում իրականացնել Ուկրաինայի դեսպանատնից․ CNN

Կիևում ԱՄՆ դեսպանատունը խնդրել է Պետդեպին թույլատրել ոչ հիմնական ողջ անձնակազմին և նրանց ընտանիքներին վերադառնալ Վաշինգտոն։ ԱՄՆ-ը ծանուցել է Ուկրաինային, որ, ըստ ամենայնի, տարհանումը կսկսվի հաջորդ շաբաթ։ Այս մասին հայտնում է CNN հեռուստաալիքը՝ հղում անելով իր աղբյուրներին։

Ուկրաինական կառավարությանը մոտ աղբյուրը, որին հղում է անում CNN-ը, հայտնել է, որ Ուկրաինայի նախագահ Վլադիմիր Զելենսկին քննարկել է հարցն ԱՄՆ պետքարտուղար էնթոնի Բլինկենի հետ և հայտնել նրան, որ տարհանումը կլինի «գերարձագանք»։

Ռուսաստանը բազմիցս հերքել է ագրեսիվ գործողությունների պլանավորման վերաբերյալ Արևմուտքի և Ուկրաինայի մեղադրանքները՝ հայտարարելով, որ ոչ մեկին չի սպառնում և ոչ մեկի վրա չի պատրաստվում հարձակվել։