«Ես աղոթում եմ նրանց եւ նրանց մերձավորների համար»․ Հռոմի պապ
Հռոմի պապ Ֆրանցիսկոսն ասել է, որ մեծ ցավով է իմացել Ղազախստանում ցույցերի ժամանակ սպանվածների մասին: Այս մասին տեղեկացնում է ՏԱՍՍ-ը։
Նա մասնավորապես նշել է․
«Մեծ ցավով տեղեկացա Ղազախստանում վերջին օրերին տեղի ունեցած բողոքի ցույցերի ժամանակ զոհերի մասին։ Ես աղոթում եմ նրանց եւ նրանց մերձավորների համար: Հուսով եմ, որ երկխոսության, արդարության եւ ընդհանուր բարօրության որոնման միջոցով հնարավորինս շուտ սոցիալական ներդաշնակություն ձեռք կբերվի»,- ասել է նա Վատիկանի Սուրբ Պետրոսի հրապարակում հավատացյալներին ուղղված իր ավանդական կիրակնօրյա քարոզի ժամանակ:
