ԲՀԿ-ն էլ է Մարությանին անվստահություն հայտնում
Երեւանի քաղաքապետ Հայկ Մարությանին անվստահություն հայտնելու «Իմ քայլը» խմբակցության ավագանու անդամների նախաձեռնությանն են միացել նաեւ ԲՀԿ ավագանու անդամները։ Այս տեղեկությունը NEWS.am-ին հաստատել է, որ Երեւանի ավագանու ԲՀԿ խմբակցության անդամ Միքայել Մանրիկյանը։
«Մեր օրակարգում մի քանի տարի եղել է Երեւանի քաղաքապետ Հայկ Մարությանի նկատմամբ անվստահություն հայտնելու հարցը։ «Իմ քայլը» օրակարգ է առաջարկել, որը համընկնում է մեր օրակարգի հետ»,- ասել է Միքայել Մանրիկյանը։
Հարցին՝ արդյոք ԲՀԿ-ն իր կողմից թեկնածու առաջադրելո՞ւ է, Մանրիկյանն ասել է. «Եկեք առաջ չընկնենք։ Մեծամասնությունն իրենք են, բնականաբար եթե մենք էլ առաջադրենք, միեւնույն է իրենցը կհաղթի»։
Նա նշեց նաեւ, որ քվեարկությանը մասնակցելու են եւ կողմ են քվեարկելու Մարությանին անվստահություն հայտնելուն։
