Անտանելի է. Սենոր Հասրաթյան
| Արցախի ՊԲ նախկին խոսնակ Սենոր Հասրաթյանը ֆեյսբուքյան իր էջում գրել է․ ««Ըստ որոշ հոգեբանների, պաթոլոգիկ ստախոսները սովորական ստախոսներից տարբերվում են նրանով, որ վստահ են իրենց խոսքի ճշմարտացիության մեջ, և դրանով հանդերձ մտնում են դերի մեջ։ Հոգեբույժների մեծամասնությունը նաև կարծում է, որ չնայած «պաթոլոգիկ ստախոս» տերմինը չի օգտագործվում կլինիկական ախտորոշման մեջ, այնուամենայնիվ անձի այս տեսակը համարվում է հոգեկան հիվանդության կամ ցածր ինքնագնահատականի արդյունք...»,- այս տողերի հեղինակը ես չեմ, բայց լրիվությամբ կիսում եմ դրանց ճշմարտացիությունը... Անտանելի է, երբ երկիրն ապրում է ստի համատարած թագավորության պայմաններում և, արդեն տարիներ շարունակ, հանդուրժում այդ ստի արդյունքում օր-օրի մաշվող ու ավերվող ՀԱՅԻ իրականությունը... Մեր Երկիրն ավերողը նախևառաջ ներսում ունեցած ստի իշխանությունն է, նոր միայն այն թշնամին, որն այսօր ունենք դրսում... Եվ դա օրինաչափ է լինելու այնքան ժամանակ, քանի դեռ հանդուրժելով դրսից ներդրված արժեքները, մենք մերժում ենք այն իրականը, որը ՄԵՐՆ է...»։ |
