Արա Զոհրաբյանը ներկայացրել է «Ազատագրական» շարժման պահանջները, երթ սկսվեց
Փաստաբան Արա Զոհրաբյանը ներկայացրել է «Ազատագրական» շարժման պահանջները, որոնք են՝
1. Կանխել սահմանագծման և սահմանազատման հակահայկական ծրագիրը, այդ թվում՝ պահանջում ենք հրապարակել ստորագրման ներկայացված փաստաթղթերը,
2. Պահանջում ենք թույլ չտալ միջանցք տրամադրել թշնամուն, այնուհետև պահանջում ենք, որ իշխանությունները լիարժեք զինեն առաջնագիծը և պաշտպանեն ՀՀ տարածքային ամբողջականությունը:
Զոհրաբյանը նշել է, որ հավաքի մասնակիցներն այժմ երթ են սկսում և «արթնության կոչով անցնելու են Ֆրանսիական հրապարակ», իսկ վաղը ժամը 17:00-ին կրկին հայտարարվել է շտապ հավաք:
«Վաղը կհրապարակենք մեր հաջորդ գործողությունների ծրագիրը»,- ասել է Արա Զոհրաբյանը:
Վերլուծաբան, լրագրող Նաիրի Հոխիկյանն էլ ավելի վաղ հայտնել էր, որ վաղվանից իրազեկման ակցիակներ կսկսվեն մայրաքաղաքի տարբեր հատվածներում:
