Ոստիկանությունից զանգել են ՀՅԴ միություն ու ապօրինի պահանջ ներկայացրել

ՀՅԴ «Նիկոլ Աղբալյան» ուսանողական միությունից հայտնում են , որ ժամը 15։00-ին Կառավարության շենքի դիմաց նախատեսում են իրականացնել բողոքի ակցիա, ինչպես իրենք են հայտնում, հերթական անգամ ի ցույց դնելու ՀՀ վարչապետի խոսքի, գործի և իրականության անհամապատասխանությունը։։ 

«Սիրելի՛ հայրենակիցներ,

Այսօր` 15։00֊ին Կառավարության գլխավոր մասնաշենքի առջև մեր կողմից նախատեսված ակցիայի հարցով մեզ հետ կապ են հաստատել ՀՀ ոստիկանությունից` պահանջելով ակցիայի ընթացքում բարձրախոս չօգտագործել։

Մենք դատապարտում ենք 《Հավաքների ազատության մասին》 ՀՀ օրենքի կոպտագույն խախտումով քաղաքացիների իրավունքների և ազատությունների ոտնահարումը գործող իշխանությունների կողմից, միևնույն ժամանակ արձանագրում ենք, որ չենք կատարելու ՀՀ Ոստիկանության կողմից ներկայացվող ապօրինի պահանջը։

Ժամը 15։00֊ին կհանդիպենք Կառավարության գլխավոր մասնաշենքի առջև»։