Ռուսաստանի և Թուրքիայի նախագահները կհանդիպեն մոտ օրերս
Ռուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը կհանդիպեն սեպտեմբերին Սոչիում, հայտնում է Reuters-ը՝ վկայակոչելով թուրք պաշտոնյաներին:
Նրանց խոսքով ՝ քննարկման հիմնական թեման լինելու է իրավիճակը սիրիական Իդլիբում:
«Օրակարգի գլխավոր հարցը Սիրիան է, մասնավորապես՝ Իդլիբը: Իդլիբի (2020թ. մարտին հրադադարի ռեժիմ) համաձայնագրի պայմանները լիովին չեն իրականացվել», - Reuters-ը մեջբերում է աղբյուրին:
Նրանց խոսքով՝ Էրդողանը Սոչի կայցելի ՄԱԿ-ի Գլխավոր ասամբլեայի շրջանակում ելույթից հետո:
