Էրդողանը խոսում է արդարությունից ու պատրաստվում է իր հեղինակած գիրքը ներկայացնել 

Թուրքիայի նախագահ Ռեջեփ Թայիփ Էրդողանը պատրաստվում է Նյու Յորք-ում սեպտեմբերի 19-22-ը մասնակցել ՄԱԿ-ի Գլխավոր վեհաժողովին ու տարբեր այլ միջոցառումների։ Նա հանդիպումներ է ունենալու նաև մի շարք երկրների ղեկավարների հետ։ Թուրքիայի նախագահն իր հեղինակած «Ավելի արդար աշխարհ հնարավոր է» գիրքը, որը թարգմանվել է անգլերեն, արաբերեն ու ֆրանսերեն, պատրաստվում է ներկայացնել ՄԱԿ-ի Գլխավոր վեհաժողովում անդամ երկրների այն ղեկավարներին, որոնց հանդիպելու է, գրում է թուրքական Daily Sabah-ը։  Գրքում Թուրքիայի նախագահը մատնանշում է գլոբալ քաղաքականության, հատկապես անարդարության, փախստականների ճգնաժամի, միջազգային ահաբեկչության և հակաիսլամական հռետորաբանության երկընտրանքները և ՄԱԿ-ի օրինակով բացահայտում է աշխարհում առկա խտրականությունն ու երկակի ստանդարտները: