Ինքնամեկուսացված Պուտինը կմասնակցի՞ ընտրություններին․ պատասխանում է Պեսկովը

Ռուսաստանի Դաշնության նախագահ Վլադիմիր Պուտինը Պետդումայի ընտրություններին քվեարկելու է համացանցով: Այս մասին հայտարարել է նրա մամուլի քարտուղար Դմիտրի Պեսկովը:

Նա նշել է, որ Կրեմլի մամուլի ծառայությունը հանրությանը կտեղեկացնի, երբ պետության ղեկավարը կատարի իր ընտրությունը:

 Ավելի վաղ Պուտինը որոշել էր ինքնամեկուսանալ այն պատճառով, որ նա շփվել էր COVID-19-ով հիվանդ անձի հետ: Նա նաև ասել էր, որ իր շրջապատում տասնյակ մարդիկ վարակվել են կորոնավիրուսով:

Նշենք, որ Ռուսաստանում մեկնարկել են Պետդումայի ընտրությունները, որոնք կանցկացվեն սեպտեմբերի 17-ից 19-ը: