Ադրբեջանցի երկու զինծառայող ինքնասպան է եղել. Ադրբեջանը սովորության համաձայն չի հայտնել զինծառայողների մահվան մասին
Ադրբեջանցի երկու զինծառայող ինքնասպան է եղել: Ինչպես հաղորդում է ադրբեջանցի ընդդիմադիր բլոգեր, Մեյդան TV համահիմնադիր Հաբիբ Մունտազիրը, ձախ լուսանկարում Բաքվի Բինագադ շրջանի բնակիչ, զինծառայող Մամմադաղ Զաքիրօղլու Մալիկովն է, որը ինքնասպան է եղել Դաշկեսանի շրջանի զորամասում։
Աջ լուսանկարում Էյնալլի գյուղի բնակիչ, զինծառայող Էյման Մամեդովն է, որը նույնպես ինքնասպանություն է գործել, բայց արդեն Նախիջևանի զորամասերից մեկում։
Ընդդիմադիր բլոգերը հայտնում է, որ Ադրբեջանի պաշտպանության նախարարությունը, ինչպես միշտ, շարունակում է լռել զինծառայողների մահվան մասին ՝ շարունակելով թաքցնել ադրբեջանական բանակում տիրող իրական պատկերը։
Սա ևս մեկ անգամ վկայում է այն մասին, որ ադրբեջանական կողմի հրապարակած 44-օրյա պատերազմում զոհված զինծառայողների մասին տեղեկությունը հեռու է իրական պատկերից:
