Մենք արձանագրել ենք Երևանի և Անկարայի միջև վերջերս տեղի ունեցած դրական ազդանշանների փոխանակումը․ Զախարովա
ՌԴ ԱԳՆ պաշտոնական ներկայացուցի Մարիա Զախարովան հայտարարել է, որ ՌԴ-ն պատրաստ է օգնել Թուրքիայի և Հայաստանի միջև հարաբերությունների բարելավմանը: Ինչպես գրում է ՏԱՍՍ-ը, նա նշել է, որ Մոսկվան դրական ազդակներ է տեսնում երկրների միջև:
«Մենք արձանագրել ենք Երևանի և Անկարայի միջև վերջերս տեղի ունեցած դրական ազդանշանների փոխանակումը, նկատի ունենք այն համատեքստում, որ մենք դրանք տեսել ենք և ի գիտություն ենք ընդունել:
Մենք պատրաստ ենք այժմ էլ ամեն կերպ նպաստել երկու հարևան պետությունների մերձեցմանը՝ փոխադարձ հարգանքի հիման վրա և հաշվի առնել միմյանց շահերը »,-ասել է նա:
