Բայդենի և թալիբների միջև ուղիղ բանակցություններ չեն նախատեսվում

Միացյալ Նահանգների նախագահի՝ Ազգային անվտանգության հարցերով խորհրդական Ջեյք Սալիվանը հայտարարել է, որ ներկայումս չի նախատեսվում ԱՄՆ նախագահի և «Թալիբանի» ղեկավարության միջև ուղիղ բանակցությունների անցկացում, կապված տարբեր երկրների քաղաքացիների և աֆղանների՝ Աֆղանստանից տարհանման հարցերի հետ։

«Ներկայումս նման հնարավորություն չի դիտարկվում»,- մասնավորապես ասել է խորհրդական Սալիվանը։