Հայաստանի ԱԳՆ-ը հայտարարություն է տարածել
Տվյալ պահին Աֆղանստանում ՀՀ քաղաքացիների առկայության վերաբերյալ որևէ տեղեկություն չկա։ ՀՀ ԱԳՆ մամուլի խոսնակ Վահան Հունանյանն է հայտնել տեղեկությունը Facebook-ի պաշտոնական էջում։
Նա գրել է, որ ՀՀ արտաքին գործերի նախարարությունը տարբեր խողովակներով աշխատանքներ է տարել այս ուղղությամբ, կատարվել են ճշգրտումներ։
«Հարկ է նշել նաև, որ ՀՀ քաղաքացիների կողմից նույնպես որևէ դիմում չի ստացվել»,–գրել է նա։
Ճշգրտող աշխատանքները շարունակվում են։
Աֆղանստանում իրավիճակը հատկապես սրվել է վերջին շաբաթներին՝ խոշոր քաղաքների վրա թալիբների հարձակմամբ (շարժումը ճանաչվել է ահաբեկչական և արգելված է ՌԴ-ում): Կիրակի ԶԼՄ-ները հայտնել են, որ ապստամբները վերահսկում են բոլոր սահմանային անցակետերը։ Ավելի ուշ գրոհայինները հայտարարել էին, որ մտել են Քաբուլ և վերահսկողության տակ վերցրել նախագահական պալատ։
