Պետք է կողմնորոշվել պատերազմի հրահրման շարժառիթը կոշտ բառապաշա՞րն էր, թե՞՝ բարեկիրթ մոտեցումը. Բաղդասարյան
Մենք խոսում ենք Արցախի կորստից, Արցախի վտանգված լինելուց, գիտեք՞ Արցախը երբ կորցրիք՝ 1992թ-ի ապրիլի 14-ին՝ Արթուր Մկրտչյանի սպանությամբ, իսկ այդ սպանություն ու՞մ անվան հետ էր կապվում: Պողոս Պողոսյանի սպանությունը կրկին մի անձի հետ է կապվում, որն այսօր ընդդիմադիր դաշինք է ղեկավարում: Ուրացա՛ք Արթուր Մկրտչյանին, ուրացա՛ք Արցախը, չխոսեք այս մասին էլ: ԱԺ-ում ելույթի ժամանակ ասաց «Քաղաքացիական պայմանագիր» խմբակցության քարտուղար Նազելի Բաղդասարյանը.
«Հիշում ե՞ք Քի Ուեսթը, դրան հաջորդած Ալիև ավագի և Ռոբերտ Քոչարյանի հանդիպումը, ես հիշում եմ, իմ սերնդակիցներն էլ: Պետք է կողմնորոշվել պատերազմի հրահրման շարժառիթը կոշտ բառապաշա՞րն էր, թե՞՝ բարեկիրթ մոտեցումը: Արցախի համար մի՛ փորձեք այստեղ դիվեդենտներ շահել, Արցախ գնալը մի՛ ֆետիշացրեք»,-ասաց Բաղդասարյանը:
Վերջինս ընդդիմադիր պատգամավորներին հորդորեց ձևակերպումներում զգույշ լինել, քանի որ, ըստ նրա «քաղաքական դիվեդենտներ շահելու մրցապայքարում վնասում են պետությանը».
«Մեծ բարոյական հարված է հասցվում բանակին անզգույշ խոսքերով, ցանկացած խոսք, որն ասվում է քաղաքական ամբիոնից կարող է վնասել բանակի մարտունակությանը, մի՛ արեք այդպես»,-ասաց ՔՊ քարտուղարը:
