ՏԵՍԱՆՅՈՒԹ․ Ինչու՞ է անընդհատ խոսվում Մեղրին հանձնելու մասին և ինչո՞ւ իրենց պնդումները համոզիչ չեն․ լրագրողի հարցը՝ Քոչարյանին
Այս ընթացքում քննարկումներ ունեցել ենք մեր հերոս գեներալների հետ, թե ինչ քայլեր պետք է անենք և որոնք են առաջնահերթությունները։ Լրագրողների հետ զրույցի ժամանակ այս մասին ասաց ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը։
Վերջինս չպատասխանեց այն հարցին, թե ինչու՞ է անընդհատ խոսվում Մեղրին հանձնելու մասին և ինչո՞ւ իրենց պնդումները համոզիչ չեն։ Լրագրողը երկրորդ անգամ պնդեց այդ հարցը, ինչին ի պատասխան Ռոբերտ Քոչարյանն ասաց. «Դուք էթիկայի մասին լսած չկա՞ք»։
Հարցին՝ ինչպես է գնահատում Նիկոլ Փաշինյանի այն հայտարարությունները, որ բանակում զինվորները կոնֆետների հետևից էին ընկնում, Ռոբերտ Քոչարյանն ասաց. «Կառաջարկեի վերհիշել իր հայտարարությունն ամռանը, թե ինչպիսի բանակ մենք ունենք, ամենից մարտունակ և այլն։ Ուղղակի պետք է հիշեցնել։ Ընդհանրապես այն ոճը, որը որդեգրվել է իշխանության կողմից, ինձ համար անհասկանալի է։
Ընտրությունը իշխանության հաշվետվությունն է ժողովրդի առջև, թե ինչ է արել այս ժամանակահատվածում։ Ես հաշվետվություն չլսեցի ոչ մի հանդիպման ժամանակ, բայց ընտրությունների էությունը դրա մեջ է։ Ենթադրում էի, որ առաջին հերթին պետք է ժողովրդին ասեին ներողություն, որ չի հաջողվել ինչ-որ բանի հասնել։ Նույնիսկ դա չեն ասել։ Որդեգրել են մի ոճ՝ վարկաբեկել բոլորին։ Եթե ինքդ կեղտի մեջ ես, փորձել ուրիշներին թաթախել այդ կեղտի մեջ, որ քեզանից ավելի լավ, մաքուր չերևա»,-նշեց Ռոբերտ Քոչարյանը։
