Թշնամին սարից հետևում է. վտանգավոր է և ցանկացած պահի կարող են ռազմական գործողություններ սկսել. իրավիճակը՝ Կութում. նկարահանումներն արգելել են ՊՆ-ից

Կութ գյուղի սարերում թշնամին արդեն տևական ժամանակ դիրքավորված է և հետևում է գյուղացիների շարժին: Tert.am-ի նկարահանումների ընթացքում ՀՀ Պաշտպանության նախարարության ներկայացուցիչներն արգելել են այդ տարածքում նկարահանումներ իրականացնել՝ պատճառաբանելով, որ վտանգավոր է և ցանկացած պահի կարող են ռազմական գործողություններ սկսել: 

Տեղում ՊՆ ներկայացուցիչներն արգելել են նույնիսկ գյուղում նկարահանումներ իրականացնել և խոսել գյուղացիների հետ՝ պնդելով, որ գյուղում խուժապ չկա, սակայն գյուղացիները պատմում են, որ վախենում են անասուններին արոտավայր տանել, որովհետև թշնամին սարի գագաթից իրենց հետևում է: