Թուրք գործիչը կոչ է արել փակել «Ինջիրլիք» ամերիկյան ավիաբազան Բայդենի կողմից Ցեղասպանության ճանաչումից հետո
Թուրքիան ԱՄՆ նախագահ Ջո Բայդենի կողմից Հայոց ցեղասպանության ճանաչումից հետո պետք է անմիջապես ամբողջական վերահսկողություն սահմանի «Ինջիրլիք» ավիաբազայի նկատմամբ և Միացյալ Նահանգներ վերադարձնի այնտեղ գտնվող ամերիկացի զինծառայողներին: Ինչպես փոխանցում է ՏԱՍՍ գործակալությունը, նման կարծիք է հայտնել «Հայրենիք» կուսակցության նախագահ Դողու Փերինչեքը:
«Թուրքիայի զինված ուժերը պետք է անհապաղ լիակատար վերահսկողություն սահմանի «Ինջիրլիք» ավիաբազայի նկատմամբ և 15 օրվա ընթացքում տուն վերադարձի այնտեղ գտնվող ամերիկացի զինվորականներին»,- հայտարարել է թուրք գործիչը:
Փերինչեքի խոսքով՝ Բայդենի հայտարարությունից հետո Թուրքիայի և Ռուսաստանի հարաբերությունները կարող են բարելավվել: Նրա կարծիքով՝ Բայդենի հայտարարությունն ուղղված է Թուրքիայի, Ասիայի, Ռուսաստանի և Չինաստանի դեմ:
Գործիչը կարծիք է հայտնել նաև, որ Ցեղասպանության ճանաչումը Բայդենի կողմից հաստատում է Էրդողանի վարչակազմի տապալման նրա ցանկությունը:
