«Մենք չունենք խաղաղություն, սա մի ժամանակահատված է, երբ թուրքերը ամրանում են». Գևորգ Գևորգյան
Մենք չունենք խաղաղություն, սա մի ժամանակահատված է, երբ թուրքերը ամրանում են, փորձում են առանց պատերազմի վերցնել Հայաստանը, մենք հիմա երկրի հանձnման, կործանման պրոցեսի մեջ ենք։ Այս մասին Tert.am-ի հետ զրույցում ասաց «Ազգային ճակատ» ՀԿ հիմնադիր Գևորգ Գևորգյանը։ Նա անընդունելի է համարում թուրքերի հետ երկխոսության մասին հայտարարությունները։
«Թուրքերը ցեղասպան եղել են, ցեղասպան կմնան։ Թուրքայի փոքր եղբայր Ադրբեջանի նախագահ Ալիևն էր հայտարարում է, որ եթե մտնում են Սյունիք, հանգիստ կարող են հասնել Երևան, ասում է` իրենցն է։ Այնքան ենք թողել լկտիանան, որ չունենալով պատմություն` խոսում են մեր պատմական հողերի մասին։ Չես կարող բարեկամանալ նրա հետ ով իր հանցանքները չի ընդունում, սպառնում է քեզ բնաջնջել։
Մենք չունենք իշխանություններ, մենք ունենք թուրքի շահերը սպասարկող անհայրենիք, ազգադավներ, որոնք ատում են մեր երկիրը, հային։ Չի կարող մեզ, մեր հայրենիքը, հաղթանակները չատողն այս աստիճան ժողովրդին ստորացնի, դավադիր հարվածներով, բացի մեր թիկունքը, ոչնչացնի բանակը, պետականությունը։ Առաջին հարվածը հասցրել էին կրոնին, մշակույթին, բանակին»,-ասաց նա։
Ազատամարտիկը նշեց, որ մեր թշնամիները հանձնած տարածքներով չեն բավարվելու, իսկ ազգադավ իշխանությունները կրկին ծառայելու են թուրքական շահերին։
«Եվ ուրեմն` ինչպես կկատարի Փաշինյանն իր դավաճանության երկրորդ արարը. բնականաբար պետք է գնար Սյունիք, սադրեր ըմբոստ և անկոտրում սյունեցիներին, ժողովրդի վերքին աղ լցներ: Իսկ ինչ պետք է աներ Ալիևը, բնականաբար՝ սպառնար նոր պատերազմով, որպեսզի պատերազմի ցավից, դավաճանությունից մրմռացող մեր ժողովուրդն ընկրկի։ Փաստացի, երկու վիժվածքները հոգեբանական ճնշման մեթոդով, «պասերով» աշխատում են»,- ասաց նա։
