Իրան. Իսրայելը պատասխան կստանա Սիրիային հարվածներ հասցնելու համար

Իսրայելը պատասխան կստանա Սիրիային հարվածներ հասցնելու համար: Այս մասին լիբանանյան Al-Mayadeen հեռուստաընկերությանը տված հարցազրույցում հայտարարել է Իրանի զինված ուժերի գլխավոր շտաբի պետ Մոհամադ Բաղերին, գրում է «ՌԻԱ Նովոստի» գործակալությունը: 

«Սիոնիստները կարծում են, որ նրանք կարող են հարձակվել Սիրիայի վրա առանց պատասխան ստանալու: Վերջին օրերի և ապագայի գործողությունները վտանգի տակ կդնեն Իսրայելի շահերը ... դիմադրության ճակատը կպատասխանի սիոնիստներին»,-ասել է Բաղերին: 

«Իրանի զինված ուժերը պատրաստ է վճռական պատասխան տալ թշնամիների ցանկացած սպառնալիքին կամ գործողությանը»,-ընդգծել է նա: 

Իսրայելը պարբերաբար հարվածներ է հասցնում Սիրիայի տարածքին Լիբանանից և Սիրիայի և Իսրայելի միջև վիճելի Գոլանի բարձունքներից: