ԼՈՒՍԱՆԿԱՐՆԵՐ. Առաջինը մեր տաղավարն է, երկրորդը՝ Ադրբեջանինը. Արմեն Միրզոյան

Լրագրող Արմեն Միրզոյանը ֆեյսբուքյան իր էջում գրել է. «Ուրեմն 2021 թվականի փետրվարի 21-25-ը Դուբայում ընթանում է Պաշտպանության միջազգային համաժողով-ցուցադրությունը, որին մասնակցում է նաև Հայաստանը՝ հանձինս Բարձր տեխնոլոգիական արդյունաբերության նախարարության։ Առաջին նկարում մեր տաղավարն է։

[cf7fd70021b429cb828d361f311839a3.jpg]

Հայաստանի տաղավարը
 

Նկարին նայում եմ, թվում է՝ Երևան Մոլի help desk-ն է։ Բրոշյուրներ, ջրով շշեր, մեկ էլ որ լավ փնտրես, կարող է նվեր քարտեր էլ գտնես։ Ռազմաարդյունաբերական արտադրանքի որևէ նմուշ, որևէ օրինակ չես գտնի։ Ու մենք սենց փորձում ենք դուրս գալ միջազգային շուկա։
Համեմատության համար կցում եմ նաև Ադրբեջանի տաղավարը ու լռում։

[3e6cefd244269401963f58f07a885e05.jpg]

Ադրբեջանի տաղավարը

Մինչև երբ չենք գիտակցելու, որ սենց պետություն/պետականություն չենք դառնա։ Չնայած վաղուց մեր երկրում պետություն բառը պետք է չակերտների մեջ դնել։ Կարևորը ամեն մեկս մեր էշը քշենք, փորներներս էլ կուշտ լինի։ Ջհանդամ, թե պետությունը չի կործանվում»: