Կառավարությունը գումար կհատկացվի պարեկային ծառայության համար նախատեսված մեքենաների և զենքի գնման համար

700 հոգուց բաղկացած պարեկային ծառայությունը գործի կանցնի եկող տարվա առաջին եռամսյակի ավարտին։ 

«Հնգամսյա դասընթացին մասնակցում են ոչ միայն ոստիկաններ, այլև քաղաքացիական անձինք։ Մրցույթին մասնակցում է 770 հոգի, որոնցից 700-ը կանցնեն վերապատրաստում»,-կառավարության նիստին նշում է ոստիկանության պետ Վահե Ղազարյանը։

Կառավարությունը գումար կհատկացվի պարեկային ծառայության համար նախատեսված մեքենաների և զենքի գնման համար և նոր պարեկային ծառայության համար 150 նոր ավտոմեքենա է ձեռք բերվում։

Կառավարության հաստատմանը ներկայացված նախագծի համաձայն` գնման ընթացակարգի մրցույթն արդեն անցկացվել է, հաղթող է ճանաչվել «Չեխ ավտո» ՍՊԸ-ն։

Այս ընկերությունը 150 ավտոմեքենայի համար առաջարկել է 1 932 750 000 դրամ գնային առաջարկ, մեկ միավորի համար` 12 885 000 դրամ։

Ըստ ոստիկանության ներկայացրած ժամանակացույցի, առաջին 10 ավտոմեքենաները մատակարարվելու են մինչև ս/թ նոյեմբերի 1-ը, մնացած 140-ը՝ մինչև դեկտեմբերի 20-ը։

Նշենք, որ այս ավտոմեքենաները նախատեսված է շահագործել դեռևս միայն Երևան քաղաքում իրականացվող պարեկային ծառայության համար։

Իսկ հանրապետության ամբողջ տարածքում պարեկային նոր ծառայության ստեղծման համար նախատեսված է 2-ամյա ժամկետ` մինչև 2022 թվականը։

Նշենք, որ Պարեկային ծառայությունը Երևանում իր աշխատանքները կսկսի 2021թ. առաջին եռամսյակից, իսկ ամբողջ Հայաստանում՝ 2022թ. առաջին եռամսյակից: Արդեն 2020թ. հոկտեմբերի կեսերից Ոստիկանության կրթահամալիրում կմեկնարկի ընտրված քաղաքացիների ուսուցման գործընթացը։

Արդարադատության նախարար Ռուսատ Բադասյանն էլ հավելոււմ է. «Պարեկային ծառայողները զինված են լինելու նոր տեսակի զենքով և տեխնիկական վերջին հնարավորություններով զինված մեքենաներով։ Գործելու է նաև օպերատիվ կառավարման կենտրոն»։

Պարեկային ծառայության մեքենաներից 10-ը կգործարկվեն արդեն նոյեմբերի 1-ին՝ ուսումնական նպատակով, իսկ 140-ը քաղաքում կլինեն դեկտեմբերին։