ԵՊՀ ռեկտորի ժ/պ-ն՝ ուսման վարձավճարների բարձրացման մասին

«Ես համաձայն եմ, որ շատերի համար դա բարձր է, բայց կա երկու կողմ.Այս մասին  լրագրողների հետ հանդիպմանը հայտարարեց ԵՊՀ ռեկտորի ժ/պ Գեղամ Գևորգյանը։

«Մեկը ծառայություն է մատուցում, մյուսը ծառայություն է ստանում, ընդ որում՝ մեր առաջարկած ծառայությունները մենաշնորհային չեն։ Մեր բոլոր մասնագիտությունների գծով կան այլ առաջարկներ, մարդիկ կարող են ընտրել։ Եթե ընտրել են այս գնով այս ծառայությունը, ուրեմն իրենց ձեռք է տալիս», - ասաց Գեղամ Գևորգյանը։

Նա նշեց, թե հաճախ են ասում նաև, թե պետք է զեղչեր անել ուսանողների համար։

«Այստեղ էլ կա խնդիր։ Ըստ համապատասխան օրենքի, եթե մենք 10 տոկոսից ավելի զեղչ ենք անում, ապա դա ուսանողի համար եկամուտ է լինում, իսկ մենք, որպես հարկային գործակալ, պարտավոր ենք վճարել նրա հարկերը։ Օրինակ, եթե մենք 100 մլն դրամից ավելի զեղչ ենք անում, դրա դիմաց մոտավոր 30 մլն դրամ վճարում ենք պետական բյուջե», - ասաց ԵՊՀ ռեկտորի պաշտոնակատարը։