Պահնորդական գործունեության լիցենզիան հայրիկի եւ քավորի թանկանոց նվերն է եղել սիրելի որդուն եւ սանիկին. Նարեկ Մանթաշյան

«Այլընտրանք» ՀԿ համահիմնադիր Նարեկ Մանթաշյանը ֆեյսբուքյան իր էջում գրել է. «Կհիշեք՝ արդարադատության «գուռու» Ռուստամ Բադասյանի հայրն ինձ դատի է տվել՝ իրեն կոռուպցիոներ անվանելու համար:

Եվ այսպես՝ բացահայտում համար 1...

Լսած կլինեք, որ մասնավոր պահնորդական գործունեության լիցենզիա ստանալը շատ բարդ պրոցես է, և շատերը չեն կարողանում անցնել այն: 2016-ին 25-ամյա երիտասարդ Բադասյան Ռուստամին պատկանող ընկերությունը կարողացել է ստանալ այդ լիցենզիան: Ինչպե՞ս, կհարցնեք դուք: Ասեմ...

Բանն այն է, որ լիցենզավորման գործընթացի պատասխանատուն ՀՀ ոստիկանության կազմում գործող համապատասխան հանձնաժողովն է, իսկ այդ տարիներին՝ 16-17թթ., ինչպես գիտենք, Բադասյան Ռուստամի հայրը՝ Վարդան Բադասյանը, ոստիկանությունում բարձրաստիճան պաշտոններ է զբաղեցրել, սկզբից եղել է 6-րդ վարչության պետի տեղեկալը, իսկ հետո՝ շտաբի պետի տեղակալը: Ասեմ ավելին՝ նույն ժամանակահատվածում ոստիկանության պետի տեղակալը եղել է Ռուստամի քավորը՝ գեներալ Վարդան Եղիազարյանը: Ստացվում է, որ պահնորդական գործունեության լիցենզիան հայրիկի և քավորի թանկանոց նվերն է եղել սիրելի որդուն և սանիկին:

Ընդ որում` ուշադրություն դարձրեք, որ Ռուստամի ընկերությունն ստացել է այդ բաղձալի լիզենցիան ուղղակի ռեկորդային ժամկետում, գրանցվելուց երեք շաբաթ հետո: Ռեկորդներ»:
     Այնպես որ, սիրելի Ռուստամ, երբ խոսում ես նախկինների կոռուպցիոներ լինելու հանգամանքի մասին, քեզ շատ հարազատ մարդկանց մասին էլ մի մոռացի:
     Կից ներկայացնում եմ բոլոր փաստաթղթերը, որոնք պատկերը ավելի խոսուն են դարձնում»:

[ff1c2880a0c8befd820970c6506631b0.jpg]

[f87ac6bedb6dca53a2a93540a2df0504.jpg]

[b1b9bb484ca0c35f74d460afbf7af39f.jpg]

[123baf28b3418d37f484a731a324ccde.jpg]