«Ժամանակ». Ոստիկանության գերզինում. Որտեղ են կիրառելու հակատանկային նռնակները կամ նռնականետները
«Ժամանակ» թերթը գրում է. «Կառավարությունը ներկայացրել է ոստիկանության սպառազինության մեջ ընդգրկված հրազենի և ռազմամթերքի տեսակների, հատուկ միջոցների և անհատական պաշտպանության միջոցների ցանկերը հաստատելու մասին նախագիծ:
Նախատեսվում է, որ ոստիկանությունն իր զինանոցում կունենա ոչ միայն ատրճանակներ, ինքնաձիգներ, գնդացիրներ, նռնակներ, փողատակային ականանետներ, այլ նաև ավելի լուրջ զինատեսակներ, ինչպես, օրինակ, զրահատեխնիկա, հակատանկային նռնակներ և հակատանկային նռնականետներ: Տեսնես որտեղ է ոստիկանությունը կիրառելու հակատանկային նռնակները կամ նռնականետները»:
