Մոսկվայում հարձակվել են հայկական սրճարանի վրա․ կան տուժածներ

Մոսկվայում տեղի է ունեցել եւս մեկ կոնֆլիկտ հայկական եւ ադրբեջանական համայնքի ներկայացուցիչների միջեւ։ Բախումը տեղի է ունեցել Սալարեւո մետրոյի կայարանի տարածքում գտնվող «Արմյանսկիյ դվոր» ռեստորանի հարեւանությամբ մայրաքաղաքի հարավ-արեւմուտքում, ՌԲԿ-ին հայտնել են ռեստորանում։ Տեղի ունեցածի մասին տեղեկատվությունը հաստատել է Ռուսաստանի ադրբեջանցիների միության փոխնախագահ Էլունուր Գուսեյնովը։ «Իրավիճակն այդպիսին էր, դեռեւս մենք հստակ չգիտենք՝ ինչ է տեղի ունեցել։ Սփյուռքի ներկայացուցիչները մենկել են դեպքի վայր պարզելու՝ ինչ է այնտեղ կատարվել»,-ասել է նա։

 ՏԱՍՍ-ի տեղեկություններով էլ՝ մի խումբ ադրբեջանցիներ փայտե մահակներով եւ մետաղյա ձողերով հարձակվել են շինանյութի խանութի վրա, որը պատկանում է հայերին։

«Արմյանսկիյ դվոր» ռեստորանի վրա հարձակվել է շուրջ 20 մարդ, հաղորդել է Baza Telegram-ալիքը, որի տեղեկություններով՝ նրանք ժամանել էին դեպքի վայր մեքենաներով, որից հետո սկսել ավերեն ներսում ամեն ինչ, ինչպես նաեւ ծեծել ռեստորանի ադմինիստրատորին։ Նշվում է, որ տուժածը տեղափոխվում է հիվանդանոց։

«Տեղեկությունը միայն այն է, ինչ ցանցում կա՝ նրանք հարձակվել են, դա տեւել է մոտ տասը րոպե, ջարդել են ցուցափեղկերն ու հեռացել են»,- РБК-ին ասել է Ռուսաստանի հայերի միության համանախագահ Դավիթ Տոնոյանը: