Երևանում Mercedes-ը մխրճվել է Մանկավարժական համալսարանի դիմաց տեղադրված երկաթե ճաղավանդակի մեջ

Այսօր, հուլիսի 23-ին, խոշոր ավտովթար է տեղի ունեցել Երևանում։ Ժամը 18։40-ի սահմաններում Արա Անտոնյանը իր վարած Mercedes մակնիշի ավտոմեքենայով Խանջյան փողոցում, Խաչատուր Աբովյանի անվան պետական մանկավարժական համալսարանի դիմաց, դեռևս անհայտ հանգամանքներում, դուրս է եկել ճանապարհի երթևեկելի գոտուց և մխրճվել երկաթե ճաղավանդակների մեջ։ Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների, վթարի հետևանքով, բարեբախտաբար, տուժածներ չկան։