Երևանյան փողոցում գտնվող սրճարաններից մեկի մոտ քամուց կոտրվել է եղևնին, վնասել 2 հովանոց

Հուլիսի 21-ին, ժամը 19։15-ին Ճգնաժամային կառավարման ազգային կենտրոն ահազանգ է ստացվել, որ Երևանյան փողոցում գտնվող «Անուշիկ Խոջոյան» ՍՊԸ-ին պատկանող սրճարանի տարածքում ծառ է ընկել։

ԱԻՆ լրատվական ծառայությունից հայտնում են, որ դեպքի վայր է մեկնել ԱԻՆ ՓԾ Սյունիքի մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ սրճարանի տարածքում երկու եղևնի (մոտ 16 մ երկարությամբ և 30 սմ տրամագծով) քամուց կոտրվել և վնասել է սրճարանի հովանոցներից երկուսը:

Փրկարաները վնասված եղևնիները մասնատել և հեռացրել են սրճարանի տարածքից։