Ուկրաինայի Լուցկ քաղաքում պատանդներ վերցրած անձը պահանջներ է ներկայացրել
Ուկրաինայի Լուցկ քաղաքում 20 ուղևորով ավտոբուսը պատանդառած անձը սոցիալական ցանցերում իր պահանջներն է հրապարակել:
Նա պահանջում է, որպեսզի Ուկրաինայի բարձրաստիճան պաշտոնյաները, ներառյալ՝ ներքին գործերի նախարարության ղեկավար Արսեն Ավակովը, նախկին նախագահ Պյոտր Պորոշենկոն, ԱԱԾ ղեկավարը, եկեղեցիների ղեկավարները տեսանյութ հրապարակեն, որում հայտարարեն, որ իրենք «օրենքով ահաբեկիչներ են»:
Եթե այդ պահանջը չբավարարվի, նա սպառնում է պատանդներով ավտոբուսը պայթեցնել, ինչպես նաև հեռակա կարգով պայթեցնել քաղաքի մեկ այլ վայրում տեղադրված ռումբը:
