Ինչո՞ւ է հրաժարական տվել Արամուս համայնքի ղեկավարը
Ինչպես արդեն հայտնել ենք, Կոտայքի մարզի Արամուս համայնքի ղեկավար Հրայր Նիկողոսյանը, հրաժարականի դիմում է ներկայացրել Արամուս համայնքի ավագանուն, ինչի հիման վրա ավագանու 2020 թվականի հուլիսի 20-ի որոշմամբ վաղաժամկետ դադարեցրել է ՀՀ Կոտայքի մարզի Արամուս համայնքի ղեկավար Հրայր Նիկողոսյանի լիազորությունները:
ArmDaily.am-ի հետ զրույցում անդրադառնալով իր հրաժարականի դիմումին, Նիկողոսյանը նշել է, որ այն պայմանավորված է առողջական վիճակով. «Ես իմ սրտի մեջ արդեն շուրջ 12 տարի 4 հատ ստենտ եմ կրում, էլ առողջական վիճակ չկա, այլևս ի վիճակի չեմ»։
Նա նաև ավելացրել է, որ իր պաշտոնավարման ժամկետն ավարտվում էր 2021թ-ի նոյեմբերին։
«Ես համայնքի ղեկավարի տեղակալին եմ հանձնել իմ պարտականությունները, մինչև մարզպետը ժամանակավոր պաշտոնակատար կնշանակի»։
