Զանգահարել են ԱԻՆ և սպառնացել, որ 37 րոպեից պայթեցնելու են «Գլոբուս» բիզնես կենտրոնը

Այսօր՝ հուլիսի 13-ին, արտակարգ դեպք է տեղի ունեցել Երևանում։ Ժամը 15։50-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Նժդեհի 46 շենքը 37 րոպե հետո պայթեցնելու են։ Ինչպես հայտնում է ֆոտոլրագրող Գագիկ Շամշյանը, այս պահին նշված շենքից, որը «Գլոբուս բիզնես» կենտրոնն է, և այդ շենքում կան մեծ թվով գրասենյակներ, քաղաքացիներին տարհանել են։ 

Փաստի առթիվ ոստիկանության Շենգավիթի բաժնի հետաքննչական բաժանմունքում նյութեր են նախապատրաստվում, ոստիկանությունը պարզում է ահազանգողի ինքնությունը, ինպես նաև տեղում կատարվում են հետախուզական աշխատանքներ՝ ռումբի մասին տեղեկությունը պարզելու ուղղությամբ։ 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: