2020 թվականի հունվար-մայիս ամիսներին Հայաստանում գրանցվել է 10 հազար 777 հանցագործություն, ինչը 348-ով շատ է նախորդ տարվա նույն ժամանակահատվածի համեմատ։ Դրանց մեծ մասը՝ 5614-ը գրանցվել է մայրաքաղաք Երեւանում։

Այս մասին տեղեկանում ենք ՀՀ վիճակագրական կոմիտեի հրապարակած տվյալներից։

Մարզերից ամենաշատ հանցագործությունները գրանցվել է Կոտայքի մարզում՝ 869, ամենաքիչը՝ Վայոց ձորի մարզում՝ 82։

Սպանություններն ավելացել է 1-ով։ 2020-ի հունվար-մայիսին տեղի է ունեցել 21, իսկ դրան նախորդող տարում՝ 20 սպանություն։

Ճանապարհային երթեւեկության եւ տրանսպորտային միջոցների շահագործման կանոնների խախտումները նվազել է 548-ից դառնալով 477, այդ թվում՝ մահվան ելքով դեպքերը նվազել են՝ 2019-ի հունվար-մայիսի 89-ի փոխարեն, դառնալով 65։

Աճել են անձնական գույքի հափշտակության դեպքերը՝ 2019-ի հունվար-մայիսի 4857 դեպքի փոխարեն, 2020-ի նույն ամիսներին գրանցվել է 5026 հափշտակության դեպք։

Պետական իշխանության, ծառայության եւ կառավարման կարգի դեմ ուղղված հանցագործությունները նվազել են։ 2019-ի հունվար-մայիսի 1433-ի դիմաց, այս տարվա նույն ժամանակահատվածում գրանցվել է 1279 նման դեպք։ Պաշտոնեական լիազորությունները չարաշահելու եւ անցնելու դեպքրն աճել են՝ 143-ից դառնալով 213։ Գրեթե կրկնակի աճել է նաեւ իշխանության ներկայացուցչի նկատմամբ բռնություն գործադրելու դեպքերը՝ 14-ից դառնալով 27։

Կաշառք ստանալու, տալու եւ կաշառքի միջնորդության գրանցված դեպքերը էականորեն նվազել են՝ 164-ից դառնալով 87։