Երեւանում վարորդը Mercedes-ով բախվել է սյանն ու առաջ ընթանալով՝ բախվել կայանված Toyota-ին. կա վիրավոր

Երեւանում, հուլիսի 5-ին, ավտովթար է տեղի ունեցել. ժամը 20։00-ի սահմաններում Երեւանի բնակիչ՝ 70-ամյա Գագիկ Հ-ն իր վարած Mercedes մակնիշի ատոմեքենայով Սեբաստիա եւ Լենինգրադյան փողոցների խաչմերուկում դուրս է եկել հանդիպակաց երթեւեկելի գոտի, բախվել էլեկտրասյանը եւ առաջ ընթանալով՝ բախվել Երեւանի բնակիչ՝ 26-ամյա Հակոբ Գ-ին պատկանող կայանված Toyota մակնիշի ավտոմեքենային։

Shamshyan.com-ի  հաղորդմամբ, վթարի հետեւանքով Mercedes-ի վարորդը, ում առաջինը օգնության է հասել այդ պահին նշված հատվածով անցնող մի բժշկուհի, մարմնական վնասվածքով տեղափոխվել է «Արմենիա» բժշկական կենտրոն։