Վարդենիսում անհայտ անձը կրակոցներ է արձակել տուն բարձրացող քաղաքացու ուղղությամբ

Հունիսի 28-ին ժամը 00.05-ին հաղորդում ենք ստացել, որ հունիսի 27-ին ժ.23.50-ին հրազենային վիրավորում ախտորոշմամբ  հիվանդանոց է տեղափոխվել 1995թ. ծնված Թորգոմ Հ-ն:

Այս մասին Tert.am-ի հետ զրույցում հայտնեցին Ոստիկանությունինց և նշեցին, որ դեպքը տեղի է է ունեցել Վարդենիսում: Այսպիսով մեկնած օպերատիվ-քննչական խումբը պարզել է, որ հունիսի 27-ին ժամը 23.35-ի սահմաններում անհայտ անձը կրակոցներ է արձակել Չարենցի փողոցի 20 Ա շենքի 1-ին մուտքի աստիճաններով տուն բարձրացող Թորգոմ Հ-ի ուղղությամբ՝ նրա մարմնի տարբեր մասերում պատճառելով հրազենային վնասվածքներ:
 

Shamshyan.com-ի հաղորդմամբ, ոստիկաններն ու քննիչները պարզել են, որ վիրավորը Վարդենիս քաղաքի Չարենցի փողոցի բնակիչ, 25-ամյա Թորգոմ Հարությունյանն է, ով այսօր՝ ժամը 04:00-ի սահմաններում հիվանդանոցում գիտակցության չգալով՝ մահացել է: Գ. Շամշյանի տեղեկություններով՝ Թ. Հարությունյանի վրա կրակել են «ԱԿ» ինքնաձիգից, երբ նա առաջին մուտքի աստիճաններով տուն բարձրանալիս է եղել և առաջին հարկի աստիճանների վրա էլ դարանակալած անձը կրակոցներ է արձակել նրա ուղղությամբ: 
 

Դեպքի վայրում հայտնաբերվել են կրակված 19 պարկուճ, իսկ շքամուտքում՝ արնանման հետքեր, պատերի վրա՝ կրակոցի հետքեր: