Հայտնի են դարձել 26-ամյա հայ բասկետբոլիստի մահվան հանգամանքները

Հայտնի են դարձել 26-ամյա հայ բասկետբոլիստի ողբերգական մահվան հանգամանքները: Հիշեցնենք՝ նա ավտովթարի զոհ էր դարձել: Shamshyan.com-ի տեղեկություններով՝ հունիսի 23-ին խոշոր ավտովթար էր տեղի ունեցել Կոտայքի մարզում: Ժամը 19:50-ի սահմաններում Երևան-Սևան ավտոճանապարհի 22-րդ կմ հատվածում բախվել էին Mercedes, BMW, Nissan X-Trail մակնիշի ավտոմեքենաները: Բախման հետևանքով Nissan-ը կողաշրջվել էր՝ մասամբ փակելով երթևեկելի գոտին, BMW-ն էլ դուրս էր եկել երթևեկելի գոտուց և հայտնվել կանաչ գոտում:

Nissan-ի ուղևորներ, Երևանի բնակիչներ, 26-ամյա Պիեր Ղուկասը, նրա կինը՝ 23-ամյա Կարինա Ղուկասը և 28-ամյա Մարիաննա Մաճկալյանը մարմնական վնասվածքներով տեղափոխվել էին «Աբովյան» բժշկական կենտրոն։ Հունիսի 24-ին, թիվ 1 համալսարանական հիվանդանոց տեղափոխված Պիեր Ղուկասը, վերակենդանացման բաժանմունքում գիտակցության չգալով, մահացել է։