Վթար Արզնի գյուղի մոտ․ տուժածներից 2-ը երեխաներ են
Հունիսի 10-ին խոշոր ավտովթար է տեղի ունեցել Կոտայքի մարզում։ Ժամը 11։20-ի սահմաններում Արզնի գյուղի 1-ին կմ հատվածում բախվել են Բյուրեղավան քաղաքի բնակիչներ՝ 51-ամյա Վարուժան Սարգսյանի վարած Mercedes մակնիշի և 35-ամյա Արայիկ Հունանյանի վարած Mercedes մակնիշի ավտոմեքենաները։
Shamshyan.com-ի փոխանցմամբ՝ վթարի հետևանքով Ա. Հունանյանի ուղևոր՝ Բյուրեղավան քաղաքի բնակիչ, 20-ամյա Լիսանդր Հովսեփյանը և Վ. Սարգսյանի ուղևորներ՝ Բյուրեղավանի բնակիչներ՝ 3-ամյա Արարատ Ալեքյանն ու 1-ամյա Դավիթ Ալեքյանը մարմնական վնասվածքներով տեղափոխվել են «Աբովյան» բժշկական կենտրոն։
Փաստի առթիվ նյութեր են նախապատրաստվում։
