Շուշիի հիվանդանոց ուղեգրելու փաստաթղթի առնչությամբ հարկ ենք համարում նշել, որ տեղի է ունեցել տեխնիկական վրիպակ․ Ան խոսնակ
«Նորք» ինֆեկցիոն կլինիկական հիվանդանոցի կողմից Ռուսաստանից ժամանած արցախաբնակ քաղաքացուն Շուշիի հիվանդանոց ուղեգրելու փաստաթղթի առնչությամբ հարկ ենք համարում նշել, որ տեղի է ունեցել տեխնիկական վրիպակ: Այս մասին ֆեյսբուքյան իր էջում գրել է Առողջապահության նախարարի խոսնակ Ալինա Նիկողոսյանը։
«Խնդրում եմ զերծ մնալ հարցի անհարկի շահարկումներից»-հավելել է խոսնակը:
Հիշեցնենք, որ «Սասնա Ծռեր» համահայկան շարժումը ֆեյսբուքյան իր էջում Նորք ինֆեկցիոն կլինիկական հիվանդանոցից ուղեգրի լուսանկար էր հրապարակել, որում ասվում էր, որ ՌԴ-ից ժամանած ՀՀ քաղաքացուն հիվանդանոցը ուղեգրել է մեկուսացման՝ «Մեկուսացման հասցե՝ Ադրբեջան, Շուշի քաղաք»։
