Կորոնավիրուսի տարածման պատճառներից մեկն ընդհատակյա հարսանիքներն են. վարչապետ

Մենք բազմաթիվ դեպքեր ենք ունենում, երբ վարակի տարածման աղբյուրը հուղարկավորությունների կամ հոգեհանգստյան արարողությունների ժամանակ հակահամաճարակային կանոնները չպահպանելն է։ Այս մասին այսօր կառավարության նիստի ժամանակ ասաց վարչապետ Նիկոլ Փաշինյանը։ 

Նա նաև ընդգծեց, որ այս վերահսկողությունը պետք է իրականացվի ոչ միայն իրավապահների կողմից, այլ նաև ՏԻՄ-երի կողմից։ 

«Կորոնավիրուսի տարածման մյուս պատճառն այսպես ասած ընդհատակյա հարսանիքներն են և ի միջիայլոց առաջին օրվանից էլ այդպես է եղել, բայց այն ժամանակ ընդհատակյա չեն եղել, կամ էլ եղել են ընդհատակյա, չեմ հիշում նույնիսկ, բայց շատ կարևոր է, որ մեր սիրելի հայրենակիցները չափազանց լուրջ մոտենան խնդրին»,- ասաց վարչապետը։