Դավթաշենի համայնքապետն ու որոշ աշխատակիցներ ինքնամեկուսացված են. համայնքապետարանում կորոնավիրուսի դեպք է հաստատվել
ArmDaily.am-ի տեղեկություններով՝ Արագածոտնի մարզի Դավթաշեն համայնքում կորոնավիրուսի դեպքեր են հաստատվել։ Մասնավորապես կորոնավիրուս է հաստատվել համայնքապետարանի աշխատակիցների մոտ, ովքեր մասնակցել են հուղարկավորության արարողության։ Համայնքապետարանի աշխատակիցները մեկուսացվել են։
Մեզ հետ զրույցում համայնքի ղեկավար Գևորգ Հովհաննիսյանը հայտնեց, որ այս պահին մոտ 10 հոգի ինքնամեկուսացված է. «Ես և համայնքապետարանի որոշ աշխատակիցներ ևս ինքնամեկուսացված ենք։ Այս պահին կա հաստատված 2 դեպք, որոնք իրար հետ կապված չեն»։
Նա նշեց, որ այսօր է հայտնի դարձել, որ համայնքապետարանի աշխատակազմի քարտուղարը վարակվել է կորոնավիրուսով. «Ես նրա հետ վերջին անգամ մոտ մեկ շաբաթ առաջ եմ շփվել»։
«Մյուսը վարակվել է իր բժշկից, այս դեպքի հետ կապ չունի ու անգամ համայնք չի եկել, դիալիզի է գնացել, բժիշկը վարակված է եղել։ Նրա հետ միայն հարազատներն են շփվել»,- ասաց Հովհաննիսյանը։
