Երևանում 15-ամյա վարորդը «Mitsubishi Pajero»-ով բախվել է ճամփեզրի եզրաքարերին. նա հոսպիտալացվել է

Հունիսի 9-ին, ժամը 13։06-ին Ճգնաժամային կառավարման ազգային կենտրոն ահազանգ է ստացվել, որ Հալաբյան փողոցում՝ «Թումո ստեղծարար տեխնոլոգիաների կենտրոն»-ի մոտակայքում տեղի է ունեցել ՃՏՊ, կա տուժած։ Այս ամսին տեղեկանում է ԱԻՆ լրատվական ծառայությունից։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ «Mitsubishi Pajero» մակնիշի ավտոմեքենան (վարորդ՝ Նարեկ Հ․, 15 տարեկան) դուրս է եկել ճանապարհի երթևեկելի հատվածից և բախվել ճամփեզրի եզրաքարերին․ վարորդը հոսպիտալացվել է «Սուրբ Աստվածամայր» ԲԿ։

Փրկարարները հոսանքազրկել են ավտոմեքենան և իրականացրել հերթապահություն՝ մինչ ավտոմեքենայի գազի բալոնի պարունակության պարպվելը։