Թուրքիայում վերջին օրվա ընթացքում գրանցվել է կորոնավիրուսով վարակման 1704, մահվան 53 նոր դեպք: Այս մասին հայտնել է երկրի առողջապահության նախարար Ֆահրեթին Քոջային, հաղորդում է NTV-ն: 

Համաճարակի սկզբից Թուրքիայում կորոնավիրուսով վարակման դեպքերի թիվը հասել է 141 475-ի, մահվան դեպքերի թիվը 3894 է: Օրվա ընթացքում կորոնավիրուսից բուժվել և հիվանդանոցներից դուրս է գրվել 3109 մարդ, առողջացածների ընդհանուր թիվը 98 889 է, ինչը կազմում է վարակվածների թվի 70%-ը:

Մայիսի 13-ի՝ ժամը 09:30-ի դրությամբ աշխարհում կորոնավիրուսով վարակվածների թիվը 4,342,847 է, որից 292,899-ը մահացել է, 1,602,712-ը՝ ապաքինվել: Ակտիվ վարակակիրների թիվն աշխարհում 2,400,894 է, որից 46,342 մարդ կամ 2 %-ը ծայրահեղ ծանր վիճակում է: