10 տարի նախագահ էիք, ՔԿՀ-ները նորոգեիք, չգիտեի՞ք՝ վերջում դա ձեր հանգրվանն էր լինելու. Սարգիս Քլոյանը՝ Քոչարյանին
Երեւանի ընդհանուր իրավասության դատարանի Շենգավիթի նստավայրում Ռոբերտ Քոչարյանի խափանման միջոցը փոխելու քննարկման ժամանակ ելույթ ունեցավ նաեւ Մարտի 1-ի զոհերից Գոռ Քլոյանի հայրը՝ Սարգիս Քլոյանը:
Քլոյանը անդրադարձավ Քոչարյանի այն հայտարարությանը, թե ՔԿՀ-ում պայմանները բավարար չեն՝ հիշեցրոց, որ Քոչարյանը 10-ը տարի ղեկավարել է երկիրը. «10 տարի նախագահ է եղել Ռոբերտ Քոչարյանը, 10 տարի՝ Սերժ Սարգսյանը, բա կարգի հրավիրեիք, հիմա ո՞ւմ եք բողոքում, ասում եք՝ նեղվածք ա, վատ ա, բա ձեր գործի անունն ի՞նչ էր, դուք մի անգամ «Դատապարտյալների հիվանդանոց» ՔԿՀ մտե՞լ եք, այնտեղ շունը չէր ապրի, ո՞նց էին քաղբանտարկյալները ապրում, բա բյուջեից փող հանեիք, ուշադրություն դարձնեիք, նորոգեիք, չգիտեի՞ք՝ վերջում դա ձեր հանգրվանն էր լինելու»:
